धरान : नेपाल गल्फ सङ्घ सुनसरी जिल्ला अधिवेशनले अध्यक्ष पदमा जितेन्द्र राई सर्वसम्मत चयन गरेको छ ।

मङ्गलवार सम्पन्न अधिवेशनले राईको अध्यक्षतामा ११ कार्यसमिति पनि सर्वसम्मत गठन गरेको छ । समितिको उपाध्यक्ष तुलसीराम लिम्बु, सचिव लोकेन्द्र राई, कोषाध्यक्ष सुन्दर राई सह-सचिव झुना राई रहेका छन् ।

सदस्यहरूमा विजय राई, नीरज तामाङ, गोपाल श्रेष्ठ, दीपक घिमिरे, भगत लिम्बु, राजु राई छन् ।

अधिवेशनमा प्रमुख अतिथि जिल्ला खेलकुद विकास समिति सुनसरीका अध्यक्ष दीपक राई थिए । नेपाल गल्फ सङ्घ केन्द्रीय उपाध्यक्ष तिलक राई, प्रदेश खेलकुद विकाश बोर्ड सदस्य, वरिष्ठ प्रहरी उपरीक्षक भीम दाहाल, प्रदेश खेलकुद विकास बोर्ड कोषाध्यक्ष देवराज पाख्रिन लगायत उपस्थित थिए ।

गल्फ सङ्घका अध्यक्ष डिबि राईको सभापतित्वमा अधिवेशन भएको हो ।