_1735354691.gif)
धरान : अमेरिकामा बसोबास गर्दै आएका धराने पशुपति घिमिरेद्वारा अङ्ग्रेजी भाषामा लेखिएका २ पुस्तक प्रकाशित भएको छ ।
अमेजन डटकमद्वारा प्रकाशित गरेको ‘वान्डरिङ वड्र्स’ र ‘थ्री डाइमेन्सन्स अफ बुद्धिजम’ नामक पुस्तक हालै अमेरिकामा सार्वजनिक भएको हो ।
‘वान्डरिङ वड्र्स’ पुस्तकमा घिमिरेका एसिया, युरोप र उत्तर अमेरिकाका १० मुलुकहरूमा गरेका यात्रा संस्मरणहरू समावेश छन् ।
पुस्तकका बारेमा लेखक घिमिरेले भनेका छन् ‘करिब आधा संसार ओगट्ने तीन महादेशको भूगोलको यात्रा हो यो । तर, यहाँ भूगोल मात्रै भेटिने छैन, छिचोल्दै जाँदा इतिहास, परम्परा, भाषा, धर्म, संस्कृति, सभ्यता, कला र साहित्य अनेक भेटिएला ।’
वान्डरिङ वड्र्स शीर्षकमा सो किताब अनलाइन स्टोर एमाजन मार्फत संसारभर उपलब्ध रहेको जनाइएको छ ।
नेपालमा पत्रकारिता गरेर अमेरिका गएका घिमिरेको वान्डरिङ वड्र्स दोस्रो कृति हो । सन २०१३ मा नेपाली भाषामा बुद्धवादका तीन आयाम शीर्षकमा उनको पहिलो पुस्तक प्रकाशित भएको थियो ।
‘थ्री डाइमेन्सन्स अफ बुद्धिजम’ सोही नेपालीमा प्रकाशित बुद्धवादका तीन आयामको अङ्ग्रेजी संस्करण भएको लेखक घिमिरेले बताएका छन् ।
बौद्ध धर्मको समग्र अध्ययन प्रस्तुत गरेको सो पुस्तकमा यसको दर्शन, इतिहास र बौद्ध धर्मको एसियाभरिको विस्तार समेटिएको छ ।
नेपाली लेखकले अङ्ग्रेजी भाषामा विश्व साहित्यमा कृति प्रस्तुत गर्नु नेपाली लेखकहरूका लागि गर्व र प्रेरणाको विषय हो ।
_1664681437.jpg)
