धरान : आज शनिवार साँझ ६ बजे धरान १३ गोर्खा वेल्फेयर मोड छेउमा टाटा योद्धा पिकअप गाडी पल्टिँदा १ जनाको घटनास्थलमै मृत्यु भएको छ । मृत्यु हुनेको नाम, ठेगाना खुलेको छैन ।
घट्नामा ११ जना घाइते भएका छन् । पिकअपमा १२ जना सवार भएको इलाका प्रहरी कार्यालय धरानले जनाएको छ । उनीहरूलाई तत्काल उद्धार गरी वीपी कोइराला स्वास्थ्य विज्ञान प्रतिष्ठान पुर्‍याइएको छ।
घाइतेहरू इटहरी-५ का ४० वर्षीय सञ्जय पाल, दुहबी-९ का १९ वर्षीय एमडि एकबाल राईन, विराटनगर-७ का २६ वर्षीय रोशन कामत, इटहरी-१ का २० वर्षीय दुर्गामणि चौधरी, इटहरी-४ को १८ वर्षीय शुभम् रौनियार छन् ।
यस्तै इटहरी-२ का १८ वर्षीय प्रदीपकुमार दास, विराटनगर-९ का २२ वर्षीय विशाल माझी, दुहबी-६ का २१ वर्षीय आयुष चौधरी, विराटनगर-९ का २२ वर्षीय बेदा मिश्र, विराटनगर-२ का २६ वर्षीय अनु कामत र गाडी चालक उदयपुर ताप्ली गापा-२ का २८ वर्षीय जीवनकुमार श्रेष्ठ छन् ।
घाइते चालक जीवनकुमार श्रेष्ठका अनुसार गाडीमा सवार यात्रुहरू भेडेटारबाट लिफ्ट मागेर चढेका थिए । उनले भने ‘पेशेञ्जरको रूपमा उनीहरूसँग भाडा लिएर चढाएको होइन ।’
भेडेटार छेउमा गाडी बिग्रिएको थियो । धरानबाट मेकानिक लगेर मर्मत गरी बनाएर फर्किएको बेला दुर्घटना भएको उनले बताए ।