धरान : सुनसरी पोलिक्लिनिक एण्ड डाइग्नोसिस सेन्टरले पशु चिकित्सकको विशेष अनुरोध र एक्स-रे टेक्निसियनको उपस्थितिमा प्राविधिक सेवा उपलब्ध गराइएको तर कुकुरको उपचार नगरिएको जनाएको छ ।
पोलिक्लिनिकले आइतबार प्रेस विज्ञप्ति जारी गर्दै चैत ७ गते बिहान करिब साढे ११ बजे दुर्घटनामा परेको कुकुरलाई एक्स-रेका लागि पोलिक्लिनिक ल्याइएकोमा मानवीयता र सम्बन्धित चिकित्सकको आग्रहलाई ध्यानमा राखेर एक्स-रे सेवा मात्र उपलब्ध गराएको जनाएको हो ।
क्लिनिकका प्रबन्धक निर्देशक लालुप्रसाद यादवद्वारा हस्ताक्षरित विज्ञप्तिमा पोलिक्लिनिकले केन्द्रमा कुकुरको कुनै पनि प्रकारको उपचार नगरिएको स्पष्ट पार्दै समाचारले क्लिनिकको प्रतिष्ठामा आँच पुर्याएको जनाएको छ ।
