धरान : प्रहरीले बुधवार झापाको अर्जुनधारा ११ बाट २७ ग्राम ८३० मिलिग्राम ब्राउन सुगर सहित ३ जना युवालाई पक्राउ गरेको कोशी प्रदेश प्रहरी कार्यालयले जनाएको छ ।
बा ४० प ३९९४ नम्बरको मोटरसाइकल सहित पक्राउ पर्नेमा २५ वर्षीय सन्जोग राई, २५ वर्षीय रुपेश दर्जी र ३७ वर्षीय अमृत दर्जी छन् ।
उनीहरूलाई लागू औषध नियन्त्रण ब्युरो काँकडभिट्टा, इलाका प्रहरी कार्यालय अनारमनी र अस्थायी प्रहरी बिट बसपार्कको प्रहरी टोलीले पक्राउ गरेको हो ।
सुनसरीको भोक्राहा नरसिंह-३ बाट इलाका प्रहरी लौकही र लागुऔषध नियन्त्रण ब्युरो विराटनगरले इनरुवा-२ का सैफ अली सिद्धिकीलाई २० ग्राम ब्राउन सुगर सहित पक्राउ गरेको छ ।
कोशी गापा १ बाट वराहक्षेत्र ६ का हरि बहादुर श्रेष्ठलाई ५३० मिलिग्राम ब्राउन सुगर सहित प्रहरीले पक्राउ गरेको छ ।
मोरङको विराटनगर १६ बाट इलाका प्रहरी कार्यालय रानी, लागूऔषध नियन्त्रण ब्युरो विराटनगरले सुन्दरहरैचा ५ का समीर चौधरीलाई २१० मिलिग्राम ब्राउन सुगर सहित पक्राउ गरेको छ ।
उदयपुरको प्रहरी चौकी भागलपुरले बेलका १ बाट स १० प ७८०१ नम्बरको मोटरसाइकल चालक चौदण्डीगढी ७ का आर्जु राई र मोटरसाइकल पछाडि बसेका श्याम कुमार कार्कीलाई १५५ मिलिग्राम सहित पक्राउ गरेको छ ।