इटहरी : उद्योग वाणिज्य सङ्घ इटहरीको निर्वाचनको जारी मतगणना अनुसार वाणिज्य तर्फको मत परिणाम सार्वजनिक भएको छ ।
वाणिज्य तर्फको अन्तिम परिणाम अनुसार नवराज काफ्ले प्यानलका उम्मेदवारहरू विजयी भएका छन् ।
कुल २१८३ मत मध्ये १५४३ मत खसेकोमा नवराज प्यानल हाबी देखिएको छ । नवराज प्यानलका जीवन न्यौपाने सर्वाधिक ९८९ मत सहित विजयी भएका छन् । त्यस्तै दोस्रोमा सञ्जीव खड्काले ९८४ पाउँदा बलराम बस्नेतले ९६० मत प्राप्त गरे ।
त्यस्तै नवराज प्यानलकै सिनेट रिजाल ९५९, सञ्जय शाह ९५७, बलबहादुर न्यौपाने ९४३, सन्नी चौधरी ९१५, दिनेशप्रसाद धमला ९०८ र महेश थापाको पक्षमा ८८३ मत देखिएको छ ।
अन्य पराजित उम्मेदवारहरू दुर्गाप्रसाद थापाले ५५८, निर्मला श्रेष्ठले ५१३, उषा सेढाई (सत्याल)ले ४८४ र हर्कबहादुर विकले ४२३ मत प्राप्त गरेका छन्।
पराजित चारै जना गायत्री कटवाल प्यानलका उम्मेदवार हुन् । निर्वाचन समितिका अनुसार हालसम्म ११७ बदर मत गणना भएको छ।
