असारे विकासका कामले जनतालाई सास्ती

  • असार २४, २०७७
  • १४२ पटक पढिएको
  • कपुरी न्यूज
alt पुर्व पश्चिम राजमार्ग अन्तरगत मोरङको विराटचौकमा वर्षायाममा धमाधम बाटो र्ममत हुँदै

इटहरी : असारे विकासले जनतामा सास्ती परेको छ । पूर्व पश्चिम राजमार्ग अन्तरगत सुन्दरहरैचाको बाँसबारीमा बर्खाको मौसममा सडक मर्मत हुँदा आवत जावतमा समस्या हुने गरेको छ । त्यसको प्रत्यक्ष मारमा दैनिक आवत जावत गर्ने यात्रुहरू पर्ने गरेका छन् ।

गछियाबाट इटहरी कार्यालय आउने यात्रु विकास कार्की समयमै सडक मर्मत नहुँदा समस्या भएको बताउँछन् । अघिल्लो बर्षमात्र ओभर ल्यापीङ्ग गरेको सडक भत्किएपछि अहिले पुन: मर्मतको काम भइरहेको छ । गत वर्षको असारे बजेटमा बनेको सडक भत्किएपछि पुन: मर्मतको काम सुरु भएको हो ।

मर्मत हुन नपाई भत्किएको सडक लामो समय मर्मत नहुँदा यात्रुहरू समस्यामा परेको कार्कीको भनाई छ ।
कार्की जस्तै दैनिक यात्रा गर्ने यात्रुहरू हिलो र धुलोको मारमा पर्ने गरेका छन् । पानी परेको बेला गाडी भासिने र लामो समय अबर पर्ने गरेको उनीहरूको अनुभव छ ।

उता सडक डिभिजन कार्यालय विराटनगरका प्रमुख पशुपति ज्ञवाली आफू भर्खरै मात्र आएकोले आउने बित्तिकै काम सुरु गरेको बताए । उनका अनुसार टेन्डर प्रक्रियाको लागी लामो समय लागेकोले काम ढिलो सुरु भएको हो । एकै पटक धेरै ठाउँमा काम गर्नुपर्ने भएकोले यस्तो समस्या सृजना भएको उनको भनाई छ ।

सम्बन्धित समाचार

सम्पर्क

न्यूजईस्ट मिडिया प्रा. ली.

धरान - १२, महेन्द्र पथ, सुनसरी, नेपाल

  • कम्पनी दर्ता प्रमाणपत्र नं.: १७३२५२/०७४/०७५
  • स्थायी लेखा नं.: ६०६९०३०७३
  • सूचना तथा प्रशारण बिभाग दर्ता नं: १४०४/०७५-७६

विज्ञापनका लागि

९८४२२७५७३०, ९८०२०७५७३०

Email: [email protected]

[email protected]

  • अध्यक्ष तथा प्रबन्ध निर्देशक मात्रिका प्रसाद नेपाल
  • कार्यकारी सम्पादक भैरब आङ्ला
  • संवाददाता संजिता धमला (धरान)
  • केशवराज भण्डारी (बिर्तामोड)

Copyright © 2018 / 2020 - Kapurinews.com All rights reserved