विराटनगरका अस्पतालहरूमा कोरोनाको जोखिम बढ्यो, धमाधम अस्पतालहरू सिल हुँदै

  • श्रावण १७, २०७७
  • १०३१ पटक पढिएको
  • कपुरी न्युज
alt

धरान : विराटनगरमा कोरोना सङ्क्रमण समुदाय स्तरमै भएको भन्दै लकडाउन घोषणा गरिएसँगै विराटनगरका अस्पतालहरू पनि धमाधम सिल भइरहेका छन् ।

शनिवार साँझ विराटनगरको न्युरो अस्पतालको इमरजेन्सी वार्ड विराटनगर महानगरपालिकाले सिल गरिदिएको छ । न्युरो अस्पतालका एक जना डाक्टरमा केही दिन अघि कोरोना सङ्क्रमण भएकोले अस्पतालको इमरजेन्सी वार्ड सिल गरिएको बताइएको छ ।

न्युरो अस्पताल विराटनगरमा कार्यरत चिकित्सकलाई कोरोना पुष्टि केही दिन अघि भएको भए पनि न्युरो अस्पतालको इमरजेन्सी वार्डमा सिल गरेपछि मात्रै न्युरो अस्पतालको डाक्टरमा पनि कोरोना सङ्क्रमण पुष्टि भएको खुलेको हो । संक्रमित डाक्टर विराट नर्सिङ होममा पनि काम गर्ने गर्दथे ।

केही दिन पहिले विराट नर्सिङ होमका सञ्चालक समेत रहेका एक जना डाक्टरलाई सङ्क्रमण भएपछि कन्ट्याक ट्रेसिङको आधारमा स्वाब सङ्कलन गरेर पिसिआर गर्दा उनमा कोरोना सङ्क्रमण देखिएको हो । विराट नर्सिङ होममा एक जना सञ्चालक तथा डाक्टर र ४ जना नर्सलाई कोरोना सङ्क्रमण भएपछि विराट नर्सिङ होमलाई पनि विराटनगर महानगरपालिकाले सिल गरिदिएको छ ।

यसै गरी कोसी अस्पताल विराटनगरको ओपिडी पनि सिल गरिएको छ । कोसीमा भने अस्पताल आफैले सिल गरेको हो । पछिल्लो समय विराटनगरका अस्पतालहरूमा काम गर्नेहरूमा कोरोना सङ्क्रमण देखिन थालेपछि अस्पतालहरू सिल हुन थालेका हुन् ।

सम्बन्धित समाचार

सम्पर्क

न्यूजईस्ट मिडिया प्रा. ली.

धरान - १२, महेन्द्र पथ, सुनसरी, नेपाल

  • कम्पनी दर्ता प्रमाणपत्र नं.: १७३२५२/०७४/०७५
  • स्थायी लेखा नं.: ६०६९०३०७३
  • सूचना तथा प्रशारण बिभाग दर्ता नं: १४०४/०७५-७६

विज्ञापनका लागि

९८४२२७५७३०, ९८०२०७५७३०

Email: [email protected]

[email protected]

  • अध्यक्ष तथा प्रबन्ध निर्देशक मात्रिका प्रसाद नेपाल
  • कार्यकारी सम्पादक भैरब आङ्ला
  • संवाददाता संजिता धमला (धरान)
  • केशवराज भण्डारी (बिर्तामोड)

Copyright © 2018 / 2020 - Kapurinews.com All rights reserved