कार्तिकमा हुने ‘राष्ट्रिय उपमेयर कप फुटबल’ प्रतियोगितामा धरानको महिला फुटबल टिम सहभागी हुने

  • भदौ १२, २०७८
  • २६६ पटक पढिएको
  • कपुरी न्यूज
alt

धरान : ‘राष्ट्रिय उपमेयर कप फुटबल’ प्रतियोगितामा धरान उपमहानगरपालिकाले महिला फुटबल टिमलाई सहभागिता गराउने भएको छ ।

मेयर तिलक राईको सभापतित्वमा शनिवार भएको छलफलले आगामी कार्तिकमा आयोजना हुने ‘राष्ट्रिय उपमेयर कप फुटबल’ प्रतियोगितामा धरान उपमहानगरपालिकाबाट महिला फुटबल टिमलाई सहभागिता गराइने निर्णय गरेको हो ।

छलफलले धरानका महिला फुटबल टिम तयार बनाउन तालिम सञ्चालन गर्न सूचना प्रकाशित गरी इक्छुक महिला खेलाडीहरूलाई आह्वान गर्ने निर्णय पनि गरेको छ । साथै, धरानका विभिन्न वडामा उपलब्ध खेलाडीहरू तथा धरान महिला फुटबल क्लबका खेलाडीहरूलाई फुटबल उपलब्ध गराई तत्काल अभ्यास सञ्चालन गर्ने÷गराउने निर्णय गरेको छ ।

छलफल पश्चात् मेयर राईले महिला खेलाडीहरूलाई चार थान फुटबल हस्तान्तरण गरे । महिला खेलाडीहरूलाई अनुशासित भएर, लगनशील भएर फुटबल अभ्यास गर्न मेयर राईले आग्रह गरे ।

महिला फुटबल टिमलाई उजागर गर्नका लागि धरान उपमहानगरपालिकाको साथ सहयोग रहने पनि मेयर राईले प्रतिबद्धता व्यक्त गरे । छलफलमा धरान महिला फुटबल टिमका प्रशिक्षक भगवती राना मगरले महिला फुटबल खेललाई विकास गर्नका स्थानीय सरकारको मुख्य भूमिका हुनुपर्ने बताइन् ।

प्रशिक्षक राना मगरले अहिले अधिकांश महिला खेलाडीहरूको परीक्षा सञ्चालन हुन गइरहेको कारण विगतमा जस्तो धेरै समय फुटबल अभ्यास नहुने जानकारी दिइन् ।

उनले समय मिलाएर फुटबल अभ्यास गराउने बताइन् । छलफलमा धरान महिला फुटबल क्लबकी क्याप्टेन सुस्मिता राईले फुटबल खेल्न घरपरिवारले नै प्रोत्साहित गरेको बताइन् ।

सम्बन्धित समाचार

सम्पर्क

न्यूजईस्ट मिडिया प्रा. ली.

धरान - १२, महेन्द्र पथ, सुनसरी, नेपाल

  • कम्पनी दर्ता प्रमाणपत्र नं.: १७३२५२/०७४/०७५
  • स्थायी लेखा नं.: ६०६९०३०७३
  • सूचना तथा प्रशारण बिभाग दर्ता नं: १४०४/०७५-७६

विज्ञापनका लागि

९८४२२७५७३०, ९८०२०७५७३०

Email: [email protected]

[email protected]

  • अध्यक्ष तथा प्रबन्ध निर्देशक मात्रिका प्रसाद नेपाल
  • कार्यकारी सम्पादक भैरब आङ्ला
  • संवाददाता बिनय बाह्रकोटी (ईटहरी)
  • सुदिप अधिकारी (झापा)
  • केशवराज भण्डारी (बिर्तामोड)

Copyright © 2018 / 2021 - Kapurinews.com All rights reserved