बीपी प्रतिष्ठानमा शुक्रवार देखि कोरोनाको परीक्षण हुने एक नम्बर प्रदेशमा १० बेडको आईसियु सहितको ५० बेडको विशेष अस्पताल सञ्चालनमा आउँदै

  • चैत्र १२, २०७६
  • १८१९ पटक पढिएको
  • कपुरी न्यूज
alt

धरान  : एक नम्बर प्रदेशका लागि शुक्रवार देखि धरान स्थित बीपी कोइराला स्वास्थ्य विज्ञान प्रतिष्ठान धरानमा कोरोनाको परीक्षण सुरु हुने भएको छ ।

एक नम्बर प्रदेश सामाजिक विकास मन्त्रालयका स्वास्थ्य महाशाखा प्रमुख सुरेश मेहताका अनुसार काठमाडौँबाट बुधवार कोरोना परीक्षणको लागि आवश्यक पर्ने किट पठाई सकेको र बिहीबार धरान आइपुग्ने भएकोले शुक्रवार देखि एक नम्बर प्रदेशका लागि बीपी कोइराला स्वास्थ्य विज्ञान प्रतिष्ठानमै कोरोनाको परीक्षण सुरु हुनेछ ।

बीपी कोइराला स्वास्थ्य विज्ञान प्रतिष्ठान धरानका सह प्रवक्ता डा. अशोक ऐरले पनि प्रतिष्ठानमा परीक्षणका लागि प्रयोगशाला तयारी भइसकेको जानकारी दिएका थिए । परीक्षणका लागि किट आईनपुगेकाले मात्रै कोरोनाको परीक्षण हुन नसकेको बताएका थिए । अव सरकारी निर्णय अनुसार धरानमै कोरोनाको परीक्षण हुने भएको हो ।

यसै गरी प्रदेश सरकारले एक नम्बर प्रदेशमा १ सय ७४ बेडको आईसोलेसन तयार पारी सकेको पनि एक नम्बर प्रदेशका सामाजिक विकास मन्त्रालयका स्वास्थ्य महाशाखाका प्रमुख सुरेश मेहताले बताएका छन् । उनका अनुसार कोरोना विशेष अस्पताल विराटनगरको नेशनल ट्रेडिङ कम्पनीको हाता भित्र १० वटा आईसियु सहितको ५० बेडको अस्पताल निर्माण अन्तिम अवस्थामा पुगेको छ ।

कोरोना विशेष अस्पताल ५ दिन भित्रमा सञ्चालनमा आइसक्ने पनि डा. मेहताले बताएका छन् । उनका अनुसार एक नम्बर प्रदेशका सबै नगरपालिकाहरुले २ हजार ४ सय ८ वटा आईसोलेसन निर्माण गरेका छन् ।
एक नम्बर प्रदेशमा मात्रै केही दिनको अवधिमा १९ वटा कोरोना आशङ्काका केशको स्याम्पल काठमाडौँमा परीक्षणको लागि पठाईएकोे पनि महाशाखा प्रमुख डा. सुरेश मेहताले जानकारी दिएका छन् ।

सम्बन्धित समाचार

सम्पर्क

न्यूजईस्ट मिडिया प्रा. ली.

धरान - १२, महेन्द्र पथ, सुनसरी, नेपाल

  • कम्पनी दर्ता प्रमाणपत्र नं.: १७३२५२/०७४/०७५
  • स्थायी लेखा नं.: ६०६९०३०७३
  • सूचना तथा प्रशारण बिभाग दर्ता नं: १४०४/०७५-७६

विज्ञापनका लागि

९८४२२७५७३०, ९८०२०७५७३०

Email: [email protected]

[email protected]

  • अध्यक्ष तथा प्रबन्ध निर्देशक मात्रिका प्रसाद नेपाल
  • कार्यकारी सम्पादक भैरब आङ्ला
  • संवाददाता संजिता धमला (धरान)
  • बिनय बाह्रकोटी (ईटहरी)
  • कृष्ण 'बहाब' भट्टराई (इटहरी)
  • अर्जुन काफ्ले (पथरी)
  • केशवराज भण्डारी (बिर्तामोड)
  • बिज्ञापन प्रमुख सुजन खत्री (९८०७०९२०९७)

Copyright © 2018 / 2020 - Kapurinews.com All rights reserved