सुनसरी क्षेत्र नं १ को पुर्वाधार विकासको ४ करोड बजेटलाई २० योजना छनौट (योजना र बजेटसहित)

मंसिर १, २०७५ / 1,415 पटक पढिएको

धरान: स्थानीय पुर्वाधार विकास साझेदारी कार्यक्रमअन्र्तगतको ४ करोड बजेटको लागि सुनसरी निर्वाचन क्षेत्र नं १ मा विभिन्न २० योजना छनौट गरिएको छ ।

प्रत्यक्ष निवार्चित सांसद जयकुमार राई संयोजक रहेको उक्त कार्यक्रमको शुक्रबार बैठक बसी ती २० वटा योजनाहरु छनौट गरिएको हो । साझेदारी कार्यक्रमको सुनसरीका ४ वटै निर्वाचन क्षेत्रको बैठक बसेर शुक्रबार योजना छनौट गरिएको सांसद राईले जानकारी दिए । प्रत्येक निर्वाचन क्षेत्रको लागि ४ करोड बजेट हुन्छ । त्यसको संयोजक प्रत्यक्ष निवार्चिंत संघीय सांसद हुन्छन् ।
सांसद राईका अनुसार पुर्वाधार विकासमा केन्द्रीत योजनाहरु बढी छनौट गरिएको छ ।सडक विस्तारसँगै व्यापारिक केन्द्र धरान सुस्ताएको भन्दै उनले छिमेकी जिल्ला र सहरहरुसँग सडक सञ्जालबाट जोडेर पुरानो व्यापारिक साख फर्काउने आफ्नो उद्देश्य रहेको पनि सांसद राईले बताए । उनले भने,‘सुनसरी क्षेत्र १ को प्रमुख सहर धरानलाई चारैतिरबाट सडक सञ्जालबाट जोड्ने, पुल निर्माण गर्नेलगायत पुर्वाधार विकासमा जोडदिएको छु ।’

केही दिनमा संघीय र प्रदेशको बजेटले गरिएको कामहरुको बिषयमा औपचारिकरुपमा पत्रकारहरुलाई जानकारी गराउने पनि उनले बताए । निर्वाचन क्षेत्र नं १ मा धरान उपमहानगरपालिकाका, साविक भरौल, साविक बक्लौरी र साविक बराहक्षेत्र गाविस पर्छ । धरानको २० वडासहित कुल २७ वडा यो क्षेत्रले समेटेको छ ।

छनौटमा परेका योजनाहरु:

१) सरस्वती मा।बि। उत्तर झोलुगे पुलसम्मको बाटो स्तरोन्नती धरान ६ रू ५० लाख

२) बगरकोट पुलदेखि प्रगतीमार्ग हुदै दक्षिण जाने बाटो स्तरोन्नती २० लाख

३) देउराली पथ धरान १५ रू २० लाख

४) बिश्वकर्मा युवा समाजको भवन निर्माण धरान ५ रू१० लाख

५) ईस्लामिक कब्रस्तान घेराबारा धरान ८, रू १० लाख

६) तिनढ्वाङे भौडि नियन्त्रण धरान ८ रू,२० लाख

७) दिपेन्द्र मार्ग बालकचौक सडक कालोपत्रे धरान १९ रू २० लाख

८) बि पी पार्क निर्माण धरान १३ रू,२० लाख

९) भृकुटि पाखा धरान ३ बाटो निर्माण रू १० लाख

१०) लालशोर मार्ग धरान ४ रू १० लाख

११) उदयमार्ग धरान १७ रू २० लाख