इलाम: इलामको साखेजुङमा जीप दुर्घटना हुँदा २ जनाको मृत्यु भएको छ । मृत्यु हुनेमा इलाम नगरपालिका १ साखेजुङका ५६ वर्षीय कैलाश गुरुङ र सोही स्थानका ४३ वर्षीय सुमन खनाल रहेका छन् । सोही दुर्घटनामा परी ४ जना घाइते भएका छन ।

घाइतेहरुको इलाम अस्पतालमा उपचार भइरहेको छ । घाइतेहरु चालक र ३ जना यात्रु छन । इलाम बजारबाट शान्तिडाँडाको वाफरुङतर्फ जाँदै गरेको मे १ ज ८१८ नम्बरको जीप दुर्घटना भएको हो । उक्त सडक खण्ड कच्ची रहेको छ । जीप सडकबाट करिब सय मिटर तल खसेको थियो ।