 (13)_1727965004.gif)
इटहरी : इटहरी उपमहानगरपालिकाको उपमेयरमा केशव कुमार विष्टले उम्मेदवारी दिने भएका छन् । नेकपा (एकीकृत समाजवादी) का नेता विष्टले गठबन्धनको तर्फबाट उम्मेदवारी दिन लागेका हुन्।
नेकपा एसको इटहरीमा विष्टलाई उपमेयरको उम्मेदवार बनाउने निर्णय गरेको छ । नेपाल सरकारको गठबन्धनमा आबद्ध ५ दलका नेताहरू बिचको विभाजन मिलाउँदा इटहरीको मेयरमा काँग्रेस र उपमेयरमा नेकपा एसको भागमा परेको थियो ।
नेकपा एसले विष्टलाई इटहरीको मेयर पाउनुपर्ने दाबी गरेको थियो । पछि उपमेयरमा सहमति जुटेपछि पार्टीले विष्टको एकल नाम सिफारिस गरेको हो । वडासम्म नै गठबन्धन कायम राख्ने भनीएपनि काँग्रेसले उम्मेदवार तय नगर्दा वडाध्यक्ष र सदस्यमा अझै सहमति हुन सकेको छैन । सोमबार सम्म मनोनयन दर्ता गर्नुपर्ने समय रहेकाले सबैदलहरुले वडा स्तरमा मनोनयन गर्ने तयारी थालेका छन् ।
