धरान : धरान-१४ विजयपुरकी मेरिका बास्कोटा 'दि हिडन ट्रेजर' द्वारा आयोजित मिस नेपाल-२०२२ को उपाधीकालागी प्रतिस्पर्धा गर्दै छिन।
देशभरिबाट करिब ८ सय जना युवतीहरूले मिस नेपालमा भाग लिन आवेदन दिएका थिए। देशका सात वटै प्रदेशमा भएको अडिसनबाट छानिएका २ सय जनाको गत ज्येष्ठ ३ गते राजधानी स्थित होटेल याक एन्ड यतिमा प्रतिस्पर्धा भएको थियो।उक्त प्रतिस्पर्धाबाट धरानकी मेरिका फाइनलका लागि उत्कृष्ट २४ मा पर्न सफल भएकी थिइन।
मेरीकाले आफूलाई भोट दिएर जिताउन सबैसँग आग्रह गरेकी छिन । उनलाई भोट दिनका लागि मोबाइलको प्ले स्टोरमा गएर खल्ती एप्स डाउनलोड गरी इभेन्ट सेक्सनमा गएर क्लिक गर्ने र त्यहाँ मिस नेपाल-२०२२ लेखेको आइकनमा प्रतियोगी नम्बर ०७ मा क्लिक गरेर भोट गर्न उनले आग्रह गरेकी छिन । एउटा भोट नि:शुल्क हुने तथा पैसा तिरेर जति पनि भोट गर्न सकिने आयोजक मिस नेपालले जानकारी दिएको छ । मिस नेपाल-२०२२ को फाइनल प्रतिस्पर्धा आगामी असार ४ गते गोदावरीको कन्भेन्सन हलमा हुदैछ।
धरानको विष्णु मेमोरियल स्कुलबाट एसइई तथा कक्षा १२ सम्मको अध्ययन गरेकी मेरीकाले युनिभर्सल मेडिकल कलेज भैरहवाबाट बिडिएसको अध्ययन पुरा गरेकी उनका काका सुमन बास्कोटाले जानकारी दिए। मेरीकालाई आफ्नो अमूल्य भोट दिएर फाइनल प्रतिस्पर्धामा जिताउन समेत बास्कोटाले आग्रह गरे।
