_1735354691.gif)
_1743784132.gif)
झापा : संयुक्त अरब ईमिरेट्स (युएई)का राजकुमार शेख मोहम्मद माक्तुम जुमा ला माक्तुम तीन दिने नेपाल भ्रमणका क्रममा झापा आइपुगेका छन् । बिएण्डसी अस्पताल बिर्तामोडका सञ्चालक दुर्गा प्रसाईँको निमन्त्रणामा उनी झापा आएका हुन् ।
आज बिहान ११ः१५ बजे श्री एयरलाइन्सको जहाजबाट झापा आएका राजकुमार माक्तुमलाई प्रसाईँले चन्द्रगढी विमानस्थल पुगेर भव्य स्वागत गरेका थिए । राजकुमार माक्तुमको स्वागतका लागि विमानस्थल परिसरमा भीड नै लागेको थियो । उनी पूर्वाञ्चल क्यान्सर अस्पतालमा राखिएको पेट सिट स्क्यान उपकरणको शुभारम्भ गर्ने कार्यक्रममा सहभागी हुन आएका छन् । सो कार्यक्रम भोलि आइतबार हुने पूर्वाञ्चल क्यान्सर अस्पताल श्रोतले जानकारी दिएको छ ।
यसैबिच, तीन दिने नेपाल भ्रमणमा रहेका दुबईका राजकुमार जुमा अल मोक्तुमले नेकपा एमालेका केन्द्रीय सदस्य एवम् व्यवसायी दुर्गा प्रसाईँलाई सुनको लौरो उपहार स्वरूप हस्तान्तरण गरेको छन् । राजकुमार झापामा दुई दिन भ्रमण गर्ने कार्यपालिका रहेको छ । राजकुमारले झापासँगै काठमाण्डौं र पोखराको पनि भ्रमण गर्ने कार्यपालिका रहेको बताइएको छ ।
