झापा : नेकपा एमालेका अध्यक्ष केपी शर्मा ओली आज गृह जिल्ला झापा आउँदैछन् ।

नेकपा एमाले प्रदेश १ कमिटी सदस्य होमबहादुर थापाले दिएको जानकारी अनुसार एमाले अध्यक्ष ओली आज बिहान ११ बजे भद्रपुर विमानस्थलमा अवतरण गरेर सोझै गृह नगर दमक आउने कार्यक्रम छ ।

विभिन्न पार्टी परित्याग गरेर एमालेमा प्रवेश गराउनका लागि अध्यक्ष ओली गृहनगर दमक आउन लागेको थापाले जानकारी दिए । कार्यक्रम दमक स्थित कस्मिक पार्टी प्यालेसमा हुने थापाले बताए ।
अध्यक्ष ओली आज दमकमै बस्नेछन् भने यहाँ आन्तरिक भेटघाट र चुनावी रणनीतिका बारेमा नेताहरूसँग छलफल तथा परामर्श गर्ने तयारी रहेको छ ।