_1749430366.gif)
- अर्जुन काफ्ले
पथरी : पथरीशनिश्चरे प्रीमियर लिग क्रिकेट प्रतियोगिताको मङ्गलवारको खेलमा रोयल किङले मङ्गलवारे लिजेण्ड माथि ४ विकेट र सात बाघले क्लासिक एलाभेन हसन्दहमाथी ५ विकेटको जित हासिल गरेको छ ।
जितसँगै रोयल र सात बाघले लिगमा २ अङ्क जोडेका छन् । पहिलो खेलमा मङ्गलबारेले दिएको १५६ रनको लक्ष्यलाई रोयलले १९ ओभर १ बलमा ६ विकेट गुमाएर पुरा गर्यो ।रोयलका लागी महेश कार्कीले अर्धसतकिय पारी खेले । उनी व्यक्तिगत ५७ रन बनाएर आउट भए । पाबेल राई अर्धसतक बनाउन चुके । राई ४६ रन बनाउँदै आउट हुँदा दीपेश श्रेष्ठले १६ रन बनाए ।
मङ्गलबारेका लागी मिलन अधिकारीले २ विकेट लिए भने राकेश दाहाल,अभिषेक बिक र रोहन गहतराजले १/१ विकेट लिए । त्यसअघि पहिले ब्याटिङ गरेको मङ्गलबारेका योगेश श्रेष्ठले ५६ रन बनाए पनि टिमका जित हुन सकेन । निकेश बस्नेतले ४३ र दीपक राईले २४ रन बनाए । रोयलका लागी विश्व बस्नेत र भुपेन राईले २/२ विकेट लिए भने दीपेश श्रेष्ठले १ विकेट लिए । महेश कार्की म्यान अफ दि म्याच भए । दोस्रो खेलमा सात बाघले क्लासिक एलाभेन हसहन्दमाथी ५ विकेटको जित हासिल गर्यो ।
सात बाघले १५ ओभर ५ बलमा निर्धारित १०९ रन पुरा गर्यो । उसका लागी निधित राईले ४४ र रहर लामाले २२ रनको योगदान गरे । केलिन राई १७ रन बनाएर आउट भए ।हसहन्दका बुद्ध आलेले २ सोलोमन राई र सञ्जीव धिमालले १/१ विकेट लिए । त्यसअघि ब्याटिङ गरेको हसहन्दका सोलोमन राईले ३५ र सञ्जीव राईले २९ रनको योगदान गरे ।
सात बाघका केलिन राई र दीपेश भण्डारीले २/२ विकेट लिँदा दीप सुबेदी र अस्बिन महतका नाममा १/१ विकेट रह्यो । खेलको म्यान अफ दि म्याच निधित राई घोषित भए ।
