_1749430366.gif)
विराटनगर : प्रदेश लोक सेवा आयोग प्रदेश-१, विराटनगरले स्थानीय तहका लागि कर्मचारी माग गरेको छ । आज गोरखापत्र राष्ट्रिय दैनिकमा सार्वजनिक सूचना प्रकाशन गर्दै ठुलो सङ्ख्यामा कर्मचारीका लागि दरखास्त आह्वान गरेको हो ।
स्थानीय सरकारी सेवाका विभिन्न सेवा समूहका प्राविधिकतर्फका पदहरूमा खुला तथा समावेशी प्रतियोगितात्मक लिखित परीक्षाका लागि आवेदन आह्वान गरिएको हो ।
योग्यता पुगेका उम्मेदवारले पुस १० गतेसम्म दरखास्त दिन सक्ने छन् ।
अनलाइनमार्फत दरखास्त दिन सकिने आयोगले जनाएको छ । प्रतियोगितात्मक परीक्षाबाट छनोट भएका उम्मेदवारहरूको रोजाई प्राथमिकता क्रमअनुसार स्थानीय तह तोकी सिफारिस गरिने पनि आयोगले स्पष्ट पारेको छ ।
