धरान : प्रदेश १ को धरानमा केन्द्रीय कार्यालय रहेको मितेरी डेभलपमेन्ट बैङ्कले आर्थिक वर्ष २०७८/७९ का लागि लाभांश प्रस्ताव गरेको छ। 

बैङ्क सञ्चालक समितिको आज बिहान ८ बजे बसेको बैठकले उक्त आर्थिक वर्षको मुनाफा तथा सञ्चित मुनाफाबाट सेयरधनीहरुलाई हाल कायम चुक्ता पुँजी ९० करोड ३४ लाख २८ हजार ७०.१९ रुपैयाँको कुल १३ प्रतिशतले हुन आउने ११ करोड ७४ लाख ४५ हजार ६४९.१३ रुपैयाँ बराबरको लाभांश वितरण गर्ने प्रस्ताव गरेको हो। 
प्रस्तावित लाभांशमा १२.३५ प्रतिशतले हुन आउने ११ करोड १५ लाख ७३ हजार ३६६.६७ रुपैयाँ बराबरको बोनस सेयर र कर प्रयोजनार्थ ०.६५ प्रतिशतले हुन आउने ५८ लाख ७२ हजार २८२.४६ रुपैयाँ बराबरको नगद लाभांश छन्। 
प्रस्तावित लाभांश नेपाल राष्ट्र बैङ्कको स्वीकृतिपछि आगामी वार्षिक साधारण सभाबाट अनुमोदन गरी वितरण गरिने बैङ्कले जनाएको छ। 
सुनसरी, मोरङ, झापा, धनकुटा र उदयपुर जिल्ला कार्य क्षेत्र भएको यस बैङ्कले केन्द्रीय कार्यालय सहित १८ वटा शाखा मार्फत बैङ्किङ सेवा प्रदान गरिरहेको छ ।