बलिउड फिल्म उद्योग विश्वकै सफल र ठुलो उद्योग मध्येको एक हो । त्यहाँ करोडौँको लगानीमा फिल्म बन्छन् भने सेलिब्रेटीको कमाइ पनि त्यही अनुरूप हुने हुँदा बलिउड सिने नगरीका सेलिब्रेटी र आम मानिसको जीवनशैलीमा आकाश जमिनको फरक पाइन्छ ।
बलिउडमा यस्ता केही अभिनेत्री छन्, जो कयौँ प्रयासपछि पनि नाम र दाम कमाउन सकेका छैनन् भने अर्कोतिर त्यस्ता अभिनेत्रीहरू पनि छन्, जसको नाम नसुन्ने कोही छैनन् । बलिउडमा नाम र दाम कमाउने केही अभिनेत्री छन्, जो सम्पत्तिको मामलामा एक अर्कालाई टक्कर दिन सक्छन् । जीवनशैली अत्यन्तै विलासपूर्ण तरिकाको बिताइरहेका ती अभिनेत्रीसँग महँगा घर, गाडी र विभिन्न व्यवसाय मात्र नभई निजी जेट विमानसम्म रहेका छन् ।
प्रियङ्का चोपडा
ग्लोबल आइकनका रूपमा परिचित प्रियङ्का चोपडा आफ्नै बलबुतामा बलिउड तथा हलिउडमा समेत नाम, दाम र सम्मान कमाउने बलिउड अभिनेत्री हुन् । धेरै सुपरहिट फिल्ममा काम गरिसकेकी प्रियङ्का अमेरिकी गायक निक जोन्सका साथ विवाह गरेपछि हाल अमेरिकामै बसोबास गर्दै आएकी छिन । विलासपूर्ण जीवन बिताइरहेकी प्रियङ्कासँग आफ्नै जेट विमान रहेको छ । उनी आफ्नो जेट अमेरिका जान-आउन तथा घुमघामका लागि प्रयोग गर्ने गर्छिन् । प्रियङ्का अविवाहित रहँदा उनी प्रेमीलाई भेट्न आफ्नो जेटमार्फत जाने गर्थिन् ।शिल्पा सेट्ठी
बलिउडमा फिटनेस, सुन्दरता र सफल फिल्म दिएर कयौँको मनमा बस्न सफल अभिनेत्री शिल्पा सेट्ठीको पनि आफ्नै जेट विमान रहेको छ । सफल व्यवसायी राज कुन्द्राका साथ वैवाहिक जीवन बिताइरहेकी अभिनेत्री शिल्पाका विलासपूर्ण जीवन बिताउन मन पराउने अभिनेत्रीमध्ये एक हुन् ।मल्लिका सेरावत
बलिउडमा आइटम नम्बरमार्फत दर्शकलाई मनोरञ्जन दिलाउने अभिनेत्री मल्लिका सेरावतसँग पनि आफ्नै निजी जेट छ । ४३ वर्षीया मल्लिका अहिले पनि निकै सुन्दर देखिन्छिन् । विलासी जीवनशैलीमा रमाउने मल्लिकाको निजी जेट भएका कारण पनि उनी बलिउडका धनी अभिनेत्रीमध्ये एक हुन् भन्ने पुष्टि हुन्छ । आफ्नो प्रेमीका साथ पेरिसमा बसोबास गर्ने मल्लिका आफ्नो सम्पत्ति कारमा पनि खर्च गर्ने गर्छिन् ।ऐश्वर्या राय बच्चन
अभिनेत्री ऐश्वर्या राय बच्चनसँग पनि निजी जेट रहेको छ । उनको ससुरा अभिनेता अमिताभ बच्चन तथा पति अभिषेक बच्चनसहित गरेर बच्चन परिवारसँग कुल तीन जेट रहेका छन् । कान्स फिल्म फेस्टिभलमा नियमित सहभागिता जनाउने ऐश्वर्या देश-विदेश भ्रमणको सिलसिलामा आफ्नो जेट प्रयोग गर्छिन् भने उनी आफ्नी छोरी आरध्याका साथ जेटमा घुमघाम गर्न रुचाउँछिन् ।सन्नी लियोन
पूर्वक्यानेडियन पोर्नस्टार एवं बलिउड अभिनेत्री सन्नी लियोन सँग पनि निजी जेट विमान छ । कलाकारितामा आउनुअघि नै धेरै सम्पत्ति कमाएकी सन्नी एक महत्त्वाकाङ्क्षी अभिनेत्री हुन् । बलिउडमा आइटम नम्बरमार्फत राम्रो कमाइ गर्ने सन्नीले विलासितापूर्ण जीवन जिउने क्रममा जेट किनेकी हुन् ।माधुरी दीक्षित
बलिउड फिल्ममा बर्षौं सम्म राज गरेकी अभिनेत्री माधुरी दीक्षित अहिले पनि फिटनेस र सुन्दरताको मामलामा अगाडि छिन । बलिउडमा कडा मेहनतका साथ कयौँ फिल्ममा काम गरेकी माधुरी सँग पनि आफ्नै जेट विमान छ ।एजेन्सीहरूको सहयोगमा
