वराहक्षेत्र : वराहक्षेत्र नगरपालिकामा जारी वडा स्तरीय वराहक्षेत्र मेयर लिग कप रनिङ शिल्ड फुटबल प्रतियोगिता अन्तर्गत मङ्गलवार भएको पहिलो खेलमा वडा नं.५ र ६ बिचको खेल बराबरीमा टुङ्गिएको छ ।
दुवै टिमबाट निर्धारित र अतिरिक्त समयमा ११ गोल खले पछि दुवै टिमले १/१ अङ्क बाँडेका थिए । खेलको पहिलो हाफमा वडा नं.६ ले अग्रता लिएको थियो ।
खेलको २१ औँ मिनेटमा जर्सी नं.११ का रायन कार्कीले गोल गरेका थिए । निकै प्रतिस्पर्धात्मक बनेको खेलमा दोस्रो हाफमा वडा नं.५ खेलमा फर्किएको थियो । खेलको ५१ औँ मिनेटमा जर्सी नं ३० का सचिन राईले बराबरी गोल गरेका थिए ।
खेलमा म्यान अफ द म्याच वडा नं.६ का निमेष श्रेष्ठ घोषित भए । उनले नगद २ हजार १ सय सहित ट्रफि प्राप्त गरेका थिए ।
त्यस्तै मङ्गलवार नै भएको दोस्रो खेलमा वडा नं.४ विजयी भएको छ। वडा नं १ लाई एक गोलका विरुद्ध २ गोल अन्तरले पराजित गर्दै वडा नं ४ ले प्रतियोगितामा ३ अङ्क जोड्न सफल बनेको छ ।
खेलको १८ मिनेटमा वडा नं.४ का लागी जर्सी नं.१९ केशव राईले गोल गरेका थिए । खेलको २९औँ मिनेटमा वडा नं १ खेलमा फर्किएको थियो ।
वडा नं ४ का १३ का महेश चौधरीले आत्मघाती गोल गरेका थिए । पहिलो हाफमा एक एक गोल भएको खेलको ५१ मिनेटमा वडा नं ४ खेलमा अग्रता लिएको थियो । जर्सी १७ का दीपक तामाङले गोल गरेका थिए ।
खेलमा १ गोल गरेका वडा नं.४ का दीपक तामाङ म्यान अफ द म्याच घोषित भए । उनले नगद २ हजार १ सय सहित ट्रफि प्राप्त गरेका थिए । बुधवार पहिलो खेल वडा नं.७ र वडा नं.११ तथा दोस्रो खेल वडा नं.८ र वडा नं.९ का बिच हुनेछ ।
