_1725945816.gif)
विराटनगर : कोशी प्रदेश प्रहरी अस्पतालमा आइतबार देखी आफ्नै परिक्षण सुविधायुक्त आधुनिक ल्याब सेवा सञ्चालन भएको छ ।
मोरङको बेलबारी–३ स्ति अस्पतालमा आज बिहान आयोजित एक कार्यक्रमका बिच कोशी प्रदेश प्रहरी निमित्त प्रमुख वरिष्ठ प्रहरी उपरिक्षक राजेशनाथ बाँस्तोलाले ल्याब सेवा प्रारम्भ गरेका हुन् ।
आफ्नै ल्याब सञ्चालनमा आएपछि अस्पतालमा बिरामीहरूका लागि आवश्यक सबै किसिमको परिक्षण सेवा उपलब्ध हुने जनाइएको छ ।
ल्याबबाट सिबिसी, एलएपटि, लिपिड ९ प्रोफ्लेई, युरिन आरई, क्युमुल आरई, युरिक एशिड, सोडियम, पोटासियम, सेरोलेजी लगायतको परिक्षण सुचारु भएको अस्पतालले जनाएको छ ।
ल्याब शुभारम्भ कार्यक्रममा राजमार्ग सुरक्षा तथा ट्राफिक व्यवस्थापन कार्यालय इटहरीका प्रहरी उपरीक्षक श्याम कुमार महतो, जिल्ला प्रहरी मोरङका प्रहरी उपरीक्षक दिपक पोखरेल लगायतको उपस्थिति रहेको कोशी प्रदेश प्रहरी कार्यालय विराटनगरले जनाएको छ ।
