धरान : आज कोशी, बागमती र गण्डकी प्रदेशका पहाडी भू-भागका केही स्थानहरूमा चट्याङ सहित हल्का वर्षाको सम्भावना रहेको छ।
मौसम पूर्वानुमान महाशाखाले आज केही प्रदेशका पहाडी भू-भागमा वर्षाको सम्भावना रहेको जनाएको छ। हाल नेपालको मौसममा पश्चिमी निम्न चापीय प्रणाली र स्थानीय वायुको प्रभाव छ।
यति वेला कोशी र बागमती प्रदेशका केही भू-भागमा हल्का वर्षा भइरहेको महाशाखाले जनाएको छ।
आज दिउँसो कोशी, बागमती र गण्डकी प्रदेशका पहाडी भू-भागका केही स्थानहरूमा मेघगर्जन र चट्याङ सहित हल्का वर्षाको सम्भावना रहेको छ।
यस्तै आज राति कोशी, बागमती, गण्डकी र लुम्बिनी प्रदेशका पहाडी भू-भागका आंशिकदेखि सामान्य बदली भई बाँकी भू-भागमा आंशिक बदली रहने महाशाखाको पूर्वानुमान छ।