इटहरी : इलाका प्रहरी कार्यालय इटहरीले तास खेलिरहेका ३ जनालाई पक्राउ गरेको छ । इटहरीको मुख्य चोकमा रहेको बरण्डा होटेलबाट उनीहरुलाई पक्राउ गरिएको हो ।

प्रहरीले गोप्य सूचनाको आधारमा होटेलको ८०६ नम्बर कोठा बाट पक्राउ गरेको बताइएको छ । ५ जनाको समुहमा तास खेलिरहेको भएपनि २ जना एटीएममा पैसा लिन आएको बेला फरार भएको प्रहरीले जनाएको छ ।

पक्राउ पर्नेहरूमा इटहरीका राम गिरि, दिपेन्द्र कार्की र अनिष दाहाल छन् । उनीहरुको साथबाट नगद एकलाख पचास हजार बरामद भएको प्रहरीले जनाएको छ ।