धरान : संयुक्त राष्ट्र सङ्घका महासचिव एन्टोनी गुटेरेसनले इजरायल माथि हमासबाट ७ अक्टोबरको दिन भएको हमला ‘अचानक या अकारण’ नभएको बताएका छन् ।
हिजो मङ्गलवार दशैंको टिकाको दिन उनले भने ‘प्यालेष्टिनीहरु विगत ५६ वर्ष देखी सकस कब्जाको प्रताडना झेलिरहेका छन् ।’ उनीहरूले बिस्तारै बिस्तारै आफ्नो भूमि इजरायली बस्तीको अतिक्रमण र हिंसाको चपेटामा पर्दै गएको देखेका छन् ।
त्यहाँको अर्थव्यवस्था उधोगतीमा गएको, उनीहरू विस्थापित भएर घर परिवार बिटुलिएको अवस्थामा पुगे । उनीहरूको कष्ट, पिडाको राजनीतिक समाधानको सम्भावना क्षीण हुँदै गएकोमा महासचिव एन्टोनीले ध्यानाकर्षण गराएको कुरा बिबिसीको एक लाइभ समाचारमा उल्लेख छ ।
उनले भने ‘तर हमासको भयावह आक्रमणलाई प्यालेष्टाइनहरुको गुनासोको आधारमा जायज मान्न सकिन्न, न उसलाई (इजरायललाई) प्यालेष्टेनीहरुले पाएको सजायको लागि जिम्मेवार ठान्न सकिन्छ ।’
राष्ट्रसङ्घीय महासचिवको उक्त भनाई सार्वजनिक भए लगत्तै इजरायलको राष्ट्रसङ्घीय राजदूत गिलाड इरडानले महासचिव गुटेरेसको राजीनामाको माग गरेका छन् ।
यसैबिच हामास नियन्त्रित गाजापट्टिको स्वास्थ्य मन्त्रालयले पछिल्लो २४ घण्टामा गाजामा ७०० बढी नागरिकको मृत्यु भएको जनाएको छ । इजरायल-हमास युद्धमा पछिल्लो २४ घण्टामा सबै भन्दा बढी मृत्युको तथ्याङ्क हो ।
यो सङ्ख्या सँगै इजरायली बमबारीबाट गाजापट्टीमा मृत्यु हुनेहरूको सङ्ख्या ५७०० पुगेको बताइएको छ । युद्धमा इजरायल पक्षमा मृत्यु हुनेको सङ्ख्या १४०० छ ।