 (13)_1727965004.gif)
धरान : नेपाली काँग्रेसको हिजो सोमवार देखी सुरु भएको महासमिति बैठकमा नेपाल प्रेस युनियनको प्रतिनिधित्वलाई लिएर अध्यक्ष शिव लम्सालले वक्तव्य मार्फत जनाएको आपत्ति थप ३ प्रतिनिधि मनोनीत गरेपछि मिलेको छ ।
महासमिति बैठकमा प्रेस युनियनबाट पूर्व अध्यक्ष बद्री सिग्देल, ईश्वरी ओझा, सरोज अधिकारीलाई मात्र सहभागी प्रतिनिधि मनोनयन गरेपछि युनियन असन्तुष्ट बनेको थियो ।
अध्यक्ष शिव लम्सालले त्यसमा आपत्ति जनाउँदै हिजो वक्तव्य प्रकाशित गरेपछि काँग्रेसले पुनः ३ जना प्रतिनिधि थपेपछि विवाद मिलेको हो । थपिएकाहरूमा अध्यक्ष लम्साल, हरिहर विरही र तरानाथ दाहाल छन् ।
वक्तव्यमा अध्यक्ष लम्सालले ‘प्रेस युनियनको नवौँ अधिवेशनबाट नयाँ कार्यसमिति चयन भएको अवस्थामा विधान, परम्परा र नैतिक मूल्यको समेत परवाह नगरी महासमिति बैठकमा युनियनको प्रतिनिधित्व बारे पार्टी अप्रासङ्गिक र अनधिकृत निर्णय’ गरेकोमा आपत्ति जनाएका थिए ।
