धरान : धरान रङ्गशालामा जारी तेस्रो सुवास राई स्मृति सुपर-८ फुटबल प्रतियोगिताको लिग चरणको खेलमा आइतबार धरान १८ सँग ४-१ गोलको अन्तरमा धरान ६ पराजित भएको छ ।
खेलमा धरान १८ का सुगम जिमीले २ गोल, शैलेन्द्र नेपालले १ गोल फरेस नेम्वाङले १ गोल गरे ।
निर्धारित ८० मिनेटको खेल अवधिमा धरान ६ का अमन मगरले १ गोल गरे ।
खेलको म्यान अफ दि म्याच धरान १८ का सुगम जिमी घोषित भए । उनले नगद २ हजार सहित जिएफएक्स फुडको ५ सयको गिफ्ट ह्याम्पर प्राप्त गरे ।
प्रतियोगिता हाम्रो धरान भेट्रान फुटबल क्लबको आयोजनामा सञ्चालन भएको हो । प्रतियोगितामा गोधुली अन्तर वडा फुटबल प्रतियोगितामा छानिएका उत्कृष्ट ८ वटा टिम बिच लिग चरणका खेल चलिरहेको हो ।
प्रतियोगितामा अङ्कको आधारमा उत्कृष्ट छानिएका टिमहरू बिच लिग कम नकआउटको आधारमा २ वटा सेमिफाइनल खेल हुनेछ ।
सुवास राई स्मृति सुपर-८ मा धरान १३, १४, १८, ५, ६, ८, ११ र १७ ले प्रतिस्पर्धा गर्दैछन ।
प्रतियोगिताको विजेता टिमले २ लाख ५५५ र उपविजेताले १ लाख ५५५ रुपैयाँ नगद पुरस्कार प्राप्त गर्नेछ ।
प्रतियोगिताको भोली सोमबार हुने खेल धरान ८ र धरान १४ बिच हुनेछ ।
