धरान : मोरङको रङ्गेली नगरपालिका-९ स्थित  दोहमनाबाट नेपाली नक्कली नोट सहित एक जना महिलालाई रङ्गेली प्रहरीले पक्राउ गरेको छ ।

प्रहरीले  बिहीबार दिउँसो सुनवर्सी नगरपालिका-५ टकुवा बस्ने ४० बर्षिया कुरेसा खातुनलाई पक्राउ गरेको हो। 

प्रहरीले महिलाको साथबाट ५ सय दरका का १८ थान नक्कली नोट बरामद गरेको थियो ।

दोहमना बजारमा नक्कली नोटको कारोबार भइरहेको भन्ने विशेष सूचनाको आधारमा इलाका प्रहरी कार्यालय रंगेलीबाट खटिएका प्रहरी टोलीले उनलाई पक्राउ गरेको हो । 

नक्कली नोट कारोबार र महिला माथि थप अनुसन्धान भइरहेको इलाका प्रहरी कार्यालय रंगेलीका प्रहरी निरीक्षक बुद्धिराम चौलागाईले जानकारी दिएका छन्।