धरान : बराहक्षेत्र-७ का २४ वर्षीय विवेक राई, वडा १ का २३ वर्षीय अभिषेक भुजेललाई प्रहरीले प्रतिबन्धित लागुऔषध सहित शुक्रवार पक्राउ गरेको छ ।

उनीहरूलाई प्रहरी चौकी बाङ्गेको प्रहरी टोलीले वराहक्षेत्रको बिष्टिनि चोकबाट पक्राउ गरिएको हो ।

कोशी प्रदेश प्रहरी विराटनगरले जनाए अनुसार उनीहरूबाट ट्रामाडोल ७२ क्याप्सुल र  डिकोलिक ८१० ट्याब्लेट फेलापारी नियन्त्रणमा लिएको हो ।

यसैगरी इलाका प्रहरी कार्यालय लेटाङको प्रहरी टोलीले लेटाङ-३ मिलन चोकबाट २१ वर्षीय श्याम लिम्बुलाई  ५७० मिलिग्राम ब्राउन सुगर सहित पक्राउ गरेको छ ।

लागुऔषध सहित पक्राउ परेका तिनैजनाको सम्बन्धित प्रहरी कार्यालयहरूबाट थप अनुसन्धान भईरहेको छ ।