धरान  : हिविसकस इङ्लिस वोडिङ स्कुलमा आज शुक्रवार भएको अन्तर कक्षा वादविवाद प्रतियोगितामा  जुनियर कक्षा ७ की जीविका याक्खा र सिनियर कक्षा ८ की समीक्षा राई प्रथम भएकी छन् ।
प्रतियोगितामा २४ जना विद्यार्थीहरू सहभागी थिए । ‘धन भन्दा विद्या ठुलो’ शीर्षकमा वादविवाद प्रतियोगिता भएको थियो । जुनियर कक्षा ५, ६, ७ बाट १२ जना र सिनियर १२ जना सहभागी थिए ।
जुनियरमा  कक्षा ७ की युमिना राई दोस्रो, कक्षा ५ की आरभ  झा तेस्रो भइन् । प्रतियोगिता मा कक्षा १० की दिविका राई दोस्रो र कक्षा ८ का सिद्धार्थ श्रेष्ठ तेस्रो भए ।
प्रतियोगिताको निर्णायकमा शिक्षिकाहरू गीता राई, सपना शाह, कोपिला लिम्बु, नयनराज राई थिए । सहजीकरण शिक्षिका प्रज्वलिता श्रेष्ठले गरेकी थिइन् ।विद्यार्थीहरूमा भएको क्षमतालाई प्रस्फुटन गर्न पढाईका अतिरिक्त क्रियाकलाप प्रोत्साहनका लागि प्रतियोगिता गरिएको प्रबन्ध निर्देशक गङ्गाराम राईले वताए ।