धरान : मोरङको बेलबारी-९ डाँगीहाटमा रहेको श्री काली माध्यमिक विद्यालयका साना नानीहरूलाई पूर्व विद्यार्थीहरूको समूहले न्यानो पोसाक वितरण गरेको छ ।

पूर्व विद्यार्थी मञ्चको नेतृत्वमा कक्षा १ देखि कक्षा ४ सम्मका विद्यार्थीहरूलाई ६४ थान न्यानो पोसाक ट्र्याक सुट वितरण गरिएको हो ।

आफू पढेको विद्यालयका विपन्न विद्यार्थीहरूलाई केही राहत होस भनेर ४८ हजार मूल्य बराबरको न्यानो पोसाक वितरण गरिएको मञ्चका अध्यक्ष गोविन्द गिरीले जानकारी दिए ।

मञ्चले दुई वर्ष अघि पनि ७ लाख ५० हजार बराबरको खानेपानीको आधुनिक फिल्टर वितरण गरिएको पूर्व विद्यार्थी झलक केसीले जानकारी दिए।