धरान : इसाई धर्मावलम्बीको महान् पर्व ख्रिष्टमशको अवसरमा धरान-५ स्थित ज्योति चर्चले आइतबार १९ जना ज्येष्ठ नागरिकलाई सिरक सहित नगद उपहार वितरण गरेको छ । ६० जनालाई दोसल्ला ओढाएर सम्मान गरेको छ ।
प्रमुख अतिथि मन प्रसाद लिम्बु, पास्टर कुबेर गुरुङ, मचिन्द्र लावतीले उनीहरूलाई सम्मान गरेका थिए । चर्चले बर्सेनि ख्रीस्टमसमा सामाजिक काम गर्दै आइरहेको छ । यसपालि ज्येष्ठ नागरिकलाई सम्मान गरिएका हो ।
उपहारका लागि चर्चका एल्डरहरु डिकन र बिस्वासीहरुले आर्थिक सहयोग गरेको पास्टर लावतीले बताए । उनका अनुसार सिङगिङ न्यु रइन्टरनेशनल क्युराकाओ टिमसँगको सहकार्यमा स्थानीय बासिन्दाहरूलाई १०० वटा मच्छड दानी वितरण गरिएको छ।
चर्चको तर्फबाट केही दिन अघि इलामका ११६ जना विपन्न परिवारको बालबालिकालाई न्यानो ट्र्याक सुट वितरण गरिएको थियो ।
