धरान : प्रहरीले झापाको बुद्धशान्ती गा.पा.–४ का २१ वर्षीय पर्शुराम राईलाई २ ग्राम ३८० मिलिग्राम लागुऔष ब्राउनसुगर सहित आइतबार पक्राउ गरेको छ ।

लागुऔषध नियन्त्रण व्युरो काँकरभिट्टाको प्रहरी टोलीले चेक जाँचको क्रममा मेचीनगर–६ बाट राईलाई पक्राउ गरेको कोशी प्रदेश प्रहरी कार्यालय विराटनगरले जनाएको छ ।

सोही दिन इलाका प्रहरी कार्यालय चतराको प्रहरी टोलीले बाभोजपुर हतुवागढी–३ का २२ वर्षीय निकश राईलाई बराहक्षेत्र–२ बाट गाँजा सहित पक्राउ गरेको छ । प्रहरीले राईबाट १ केजी ४०० ग्राम गाँजा बरामद गरेको छ ।

इलाका प्रहरी कार्यालय छिन्ताङले धनकुटाको शहिदभूमी–६ का २४ वर्षीय मिलन राईलाई गाँजा र लागुऔषध सहित पक्राउ गरेको छ । राईबाट प्रहरीले १ केजी गाँजा र निषेधित औषधी ९ पिस बरामद गरेको छ ।