धरान : धरान-११ का ८६ वर्षीय ज्येष्ठ नागरिक वीरबहादुर लामिछानेको बाटो पैदल हिँडिरहेको बेला आइतबार दिउँसो मिनि ट्रकले ठक्कर दिँदा घटनास्थलमै मृत्यु भएको छ ।

उनलाई प्रदेश १-०१-००१ क १२६१ नम्बरको मिनी ट्रकले ठक्कर दिएको कोशी प्रदेश प्रहरी कार्यालय विराटनगरले जनाएको छ ।

ठक्कर दिने मिनि ट्रक र चालक धरान-८ का ४८ वर्षीय सन्तवीर श्रेष्ठलाई इलाका प्रहरी कार्यालय धरानले नियन्त्रणमा लिई थप अनुसन्धान गरिरहेको छ ।