धरान : सुनसरी दुहवी-४ का २५ वर्षीय मोहित यादवलाई प्रहरीले ब्राउनसुगर सहित विराटनगर-१६ बाट पक्राउ गरेको छ ।

कोशी प्रदेश प्रहरी कार्यालय विराटनगरले जनाए अनुसार आइतबार दिउँसो भारतबाट नेपालतर्फ पैदल आउँदै गरेको अवस्थामा उनलाई पक्राउ गरिएको हो ।

लागुऔषध नियन्त्रण ब्युरो विराटनगरको प्रहरी टोलीले शङ्का लागि चेकजाँच गर्दा यादवको साथबाट १ ग्राम ८१ मिलिग्राम ब्राउन सुगर बरामद भएको थियो ।