धरान : प्रहरीले इलामा सूर्योदय नपा-८ का ३१ वर्षीय मुस्कान तामाङ र सूर्योदय-६ का २७ वर्षीय पूजन तामाङलाई बिहीबार लागुऔषध ब्राउनसुगर सहित पक्राउ गरेको छ ।

कोशी प्रदेश प्रहरी कार्यालय विराटनगरले जनाए अनुसार इलामको किटनी प्रहरी चौकी र ट्राफिक प्रहरीको चेकजाँचमा प्रदेश १-०१-०१७प५०७५ नम्बरको मोटरसाइकलमा ४ ग्राम ७९ मिलिग्राम ब्राउनसुगर सहित दुवैलाई पक्राउ गरिएको हो ।

पक्राउ परेका दुवै जनाको इलाका प्रहरी कार्यालय पशुपतिनगरबाट थप अनुसन्धान भइरहेको छ ।