धरान : धरान-७ स्थित राजेश पेट्रोल पम्प अगाडि कुकुर जोगाउन खोज्दा बुलेरो पिकअप दुर्घटना भएको छ ।

चालक सकुशल रहेको ट्राफिक कार्यालय धरानका प्रमुख इन्स्पेक्टर वीरेन्द्र सिंह थापाले जानकारी दिए  ।

उनले सोमबार बिहान २ बजे धरानबाट इटहरीतर्फ जाँदै गरेको २-च-३४३१ नम्बरको बुलेरो पिकअप कुकुरलाई जोगाउन खोज्दा बाटोमा पल्टिएको बताए ।

बुलेरो पिकअप तीव्र गतिमा रहेको कारण कुकुर जोगाउन खोज्दा पल्टिएको  बताए । बुलेरो पिकअप खाली रहेकाले मानवीय क्षति नभएको धरान ट्राफिक प्रमुख थापाले बताए ।