इटहरी : बुढासुब्बा गोल्डकपको विजयी टिम एनआरटी क्लब काठमाडौँ इटहरी गोल्डकपमा पराजित भएको छ । एनआरटीलाई पराजित गर्दै सगरमाथा यूथ क्लब मोरङ सेमिफाइनल प्रवेश गरेको हो ।
इटहरीमा जारी १५औँ संस्करणको अन्तर्राष्ट्रिय आमन्त्रण इटहरी गोल्डकपमा आइतबारको खेलमा सगरमाथाले १-० को गोल अन्तरले विजयी सुरुवात गरेको छ । दोस्रो क्वाटर फाइनल खेलमा सगरमाथाका रिचार्डले ६ मिनेटमा गरेको गोल निर्णायक बनेको हो । 
खेलको म्यान अफ दि म्याच समेत भएका रिचार्डले नगद दस हजार रुपैयाँ प्राप्त गरे । १२ र १३औँ संस्करणमा इटहरी गोल्डकप विजेता सगरमाथा विजयी भएपछि खेल थप रोचक बनेको छ । सोमबारको तेस्रो क्वाटर फाइनल खेल झापा ११ र मच्छिन्द्र फुटबल क्लब काठमाडौँबिच हुने भएको छ ।