इटहरी : धरान फुटबल क्लबलाई पराजित गर्दै सगरमाथा फुटबल क्लब फाइनल प्रवेश गरेको छ । २५औँ बुढासुब्बा गोल्डकपको उपविजेता टिम चर्च ब्वाइज युनाइटेड क्लबलाई पराजित गरेको धरान सगरमाथासँग स्तब्ध बनेको हो ।
इटहरीमा जारी १५औँ संस्करणको अन्तर्राष्ट्रिय आमन्त्रण इटहरी गोल्डकपमा आइतबारको खेलमा सगरमाथाले धरानलाई १-० गोल अन्तरले पराजित गर्‍यो ।
दोस्रो सेमिफाइनलमा सगरमाथाले पेनाल्टी सुटआउट मार्फत गोल गरेको हो । खेलको २९ औँ मिनेटमा कुलदिप कार्कीको गोल खेलको निर्णायक बन्यो। खेलको म्यान अफ दि म्याच समेत भएका कार्कीले नगद दस हजार रुपैयाँ प्राप्त गरेका छन् ।
१२ र १३ औँ संस्करणमा इटहरी गोल्डकप विजेता सगरमाथा विजयी भएपछि खेल थप रोचक बनेको छ । यस पटक पनि बाजि मार्ने दाउमा रहेको सगरमाथाले खेल उत्कृष्ट बनाउँदै लगेको छ । शनिवार हुने फाइनलमा सगरमाथा र मच्छिन्द्र फुटबल क्लब काठमाडौँ बिच हुने भएको छ । मच्छिन्द्रले युनाइटेड फुटबल क्लब खर्साङलाई हराउँदै फाइनल पुगेको थियो ।