धरान : केबुलकार विवाद बढेर ताप्लेजुङ सदरमुकाम फुङलिङ तनावग्रस्त छ । प्रमुख जिल्ला अधिकारी नेत्रप्रसाद शर्माले आज आइतबार बिहान ५ बजे देखी कर्फ्यु निषेध आदेश जारी गरेका छन् ।
हिजो शनिवार साँझ नो केबलकार आन्दोलनकारीहरूले राँके जुलुस प्रदर्शन गरेपछि प्रहरीसँग झडप भएको थियो ।
प्रहरीले कम्तीमा पनि २० जना आन्दोलनकारीलाई पक्राउ गरेको घटनास्थलका प्रत्यक्षदर्शी कीर्तिमान मादेनलाई उद्धृत गर्दै जसपाका केन्द्रीय सदस्य ताजुब लिम्बुले बताएका छन् ।
पक्राउ पर्नेमा पोमु केछन, मित्र लिङदेनको श्रीमती लगायतलाई पक्राउ गरिएको थाहा पनि सबैको नाम पुष्टि हुन बाँकी रहेको बताइएको छ ।
उनका अनुसार राँके जुलुसमा भएको झडप पछि तितरबितर भएको आन्दोलनकारीहरूलाई प्रहरीले सुतेको ठाउँमा गएर पक्राउ गरिएको बताइएको छ ।
यसअघि झडपमा प्रहरीको आक्रमणबाट दर्जन बढी घाइते भएका छन् । घाइते मध्ये गम्भीर ३ जनालाई धरान ल्याइँदै गरेको लिम्बुले बताए । घाइतेको हात, खुट्टा भाँचिएको बताइएको छ ।
taplejung curfue