_1735354691.gif)
धरान : प्रहरीले धरान-१५ का २६ वर्षीय गणेश राई, २५ बर्षीया भीम कुमारी विश्वकर्मा र ३० वर्षीय आशिष खातीलाई लागुऔषध सहित पक्राउ गरेको छ।
कोशी प्रदेश प्रहरी कार्यालय विराटनगरले जनाए अनुसार उनीहरूलाई वडा प्रहरी कार्यालय धरानले मङ्गलवार राती धरान-२ बाट पक्राउ गरेको हो ।
उनीहरूको साथबाट प्रतिबन्धित लागुऔषध ट्रमानिल ११ सय ९४ क्याप्सुल, स्पासपेन १४ सय ९० ट्याब्लेट, स्पासरेष्ट ७, डेकोलिक ११ सय ७५ र मेडोमोल ८ चक्की बरामद गरिएको छ ।
सोही दिन दिउसो मोरङ उर्लाबारी-६ का ३२ वर्षीय सन्नी लामालाई ८ ग्राम ४१० मिलिग्राम ब्राउन सुगर सहित पक्राउ गरिएको छ ।मोरङ सुनबर्षि-१ का २२ वर्षीय सनम तामाङलाई १ ग्राम ४४० मिलिग्राम ब्राउनसुगर सहित पक्राउ गरिएको छ ।
पथरी शनिश्चरे-६ का २२ वर्षीय अनिल राईलाई २ ग्राम १४० मिलिग्राम ब्राउनसुगर सहित पक्राउ गरिएको छ ।
उनीहरूलाई विराटनगर-१५ मा भारतबाट नेपाल आउँदै गरेको अवस्थामा लागूऔषध नियन्त्रण ब्युरो विराटनगरको प्रहरी टोलीले चेकजाँच गर्दा लागुऔषध सहित पक्राउ गरिएको हो ।
यसैगरी झापाको दमक-६ बाट पाँचथर मिक्लाजुङ-५ का २६ वर्षीय विशाल भुजेललाई इलाका प्रहरी कार्यालय दमकको प्रहरी टोलीले लागुऔषध सहित पक्राउ गरेको छ । भुजेलको साथबाट ट्रमाडोल १४० क्याप्सुल, स्पासेन १४० चक्की बरामद भएको छ ।
त्यसैगरी झापा मेचीनगर-५ बाट ५२ वर्षीय देवीप्रसाद बुढाथोकीलाई ५६० ग्राम गाँजा सहित इलाका प्रहरी कार्यालय काँकडभिट्टा र इलाका प्रहरी कार्यालय नकलबन्दाको प्रहरी टोलीले पक्राउ गरेको छ ।
साथै उदयपुर-१२ का १९ वर्षीय दिलीप घिमिरेलाई त्रियुगा–१० बाट लागुऔषध सहित पक्राउ गरिएको छ । जिल्ला प्रहरी कार्यालय उदयपुरको प्रहरी टोलीले पक्राउ गरेको घिमिरेको साथबाट डाईजेपाम ६, फेनार्गन ६, आईपिपिएल-६ गरी १८ एम्पुल बरामद भएको छ ।
_1664681437.jpg)
