धरान : इटहरी-५ जनता बस्तीबाट २६ वर्षीय विवश घिमिरेलाई प्रहरीले बुधवार बिहान लागुऔषध सहित पक्राउ गरेको छ ।

कोशी प्रदेश प्रहरी कार्यालयले जनाए अनुसार घिमिरेलाई अस्थायी प्रहरी चौकी जनता बस्तीको प्रहरी टोलीले पक्राउ गरेको हो ।

उनको साथबाट प्रहरीले ट्रामाडोल १६० क्याप्सुल र स्पास्पेन १६० क्याप्सुल बरामद गरेको छ ।

यसै गरी धनकुटाको सहिदभुमि-३ का नेजा राई र आशिष राईलाई इलाका प्रहरी कार्यालय छिन्ताङको प्रहरी टोलीले लागुऔषध सहित पक्राउ गरेको छ ।

चेकजाँचको क्रममा उनीहरूबाट प्रहरीले ट्रामाडोल र स्पासपेन गरी २० ट्याब्लेट बरामद गरेको छ । पक्राउ परेका उनीहरूको थप अनुसन्धान भइरहेको छ ।