_1735354691.gif)
वराहक्षेत्र : वराहक्षेत्र नगरपालिकाले उद्योग वाणिज्य सङ्घका पदाधिकारी र व्यापारीहरूका लागि अभिमुखीकरण कार्यक्रमको आयोजना गरेको छ ।
नगरपालिकाको आर्थिक वर्ष २०८१/०८२ को वार्षिक स्वीकृत कार्यक्रम अनुसार वराहक्षेत्र नगरपालिकाका आर्थिक विकाश शाखाका मार्फत उद्योग वाणिज्य सङ्घका पदाधिकारी र व्यापारीहरूलाई सहभागी गराएर अभिमुखीकरण कार्यक्रम आयोजना गरिएको आर्थिक विकाश शाखा प्रमुख मातृका तिवारीले जानकारी दिए ।
अभिमुखीकरण कार्यक्रममा सहभागी वाणिज्य सङ्घका पदाधिकारी र व्यापारीहरू तथा नगर प्रहरीहरूलाई उद्योग तथा वाणिज्य फर्म, व्यवसाय दर्ता, नवीकरण, पुँजी वृद्धि, स्तान्तरण, नाम सारी, उद्योगको किसिम, फर्म दर्ता प्रकृया र निकाय, खाद्य बस्तु, अखाद्य सामाग्री, म्याद नाघेका सामाग्री, अनुगमन, नमुना सङ्कलन, कानुनी कारबाही, जरिवाना, बजार अनुगमन समितिका काम, कर्तव्य, अधिकार र प्रभावकारिता लगायतका विषयमा जानकारी र अन्तर्क्रिया गरिएको थियो ।
अभिमुखीकरण कार्यक्रममा खाद्य प्रविधि तथा गुण नियन्त्रण डिभिजन कार्यालय सुनसरीका खाद्य निरीक्षक उज्लब कोइरालाले सहजीकरण गरेका थिए ।
नगरपालिकाको आर्थिक वर्ष २०८१/०८२ को वार्षिक स्वीकृत कार्यक्रम अनुसार बिहीबार वराहक्षेत्र उद्योग वाणिज्य सङ्घसँग समन्वयमा उद्योग वाणिज्य सङ्घका पदाधिकारी र व्यापारीहरूलाई लागि अभिमुखीकरण गरिएको र आगामी फाल्गुन १९ गते उद्योग वाणिज्य सङ्घ चतरासँग समन्वय गरेर कार्यक्रम गरिने आर्थिक विकाश शाखा प्रमुख मातृका तिवारीले बताए ।
_1664681437.jpg)
