धरान : नेकपा एमाले निकट खेलकुद महासङ्घ सुनसरीका अध्यक्ष पुष्कर कार्की सहित एमाले कार्यकर्ता नेकपा माओवादी केन्द्रमा प्रवेश गरेका छन् ।

कार्की रेडक्रस सुनसरीका सचिव, जेसिस, लायन्स क्लब लगायत संस्थामा पनि क्रियाशील छन् ।

जनतासँग माओवादी, तराई मधेस जागरण अभियानको गढी गापामा भएको सभामा माओवादी प्रवेश गरेका उनीहरूलाई अध्यक्ष पुष्पकमल दाहाल प्रचण्डले स्वागत गरेका थिए ।

माओवादीमा प्रवेश गर्नेहरूमा एमाले जिल्ला सदस्य सुकलाल उराव, एकीकृत समाजवादीका रोशन खड्का, तरुण दलका पूर्व जिल्ला उपाध्यक्ष राजीव चौधरी, एमाले गढी गापा-६ का इन्चार्ज चितनारायण खेरवार लगायत छन् ।