धरान : होलीको पहिलो दिन बिहीबार प्रहरीले लेटाङ-२ की १८ वर्षीय अप्सरा राई, १९ वर्षीय विशाल परियारलाई प्रतिबन्धित लागुऔषध सहित पक्राउ गरेको छ ।

कोशी प्रदेश प्रहरी कार्यालयले जनाए अनुसार इलाका प्रहरी कार्यालय लेटाङको प्रहरी टोलीले उनीहरूको घरमा छापा मारेर ट्रामाडोल २३६ क्याप्सुल र प्रतिबन्धित औषधी २३० चक्की बरामद गरेको छ ।

युवाहरू होली मनाइरहेको त्यही दिन दमक-१ मा भाडाको कोठामा बस्दै आएका २६ वर्षीय डेक बहादुर थापाको कोठाबाट उनी समेत इलाम माङ्सेबुङ-३ की २५ वर्षीय अनु राई, कमल गापा-३ का २६ वर्षीय सुरज कुमाल, दमक-५ का २५ वर्षीय रकद धिमाल र दमक-७ का २८ वर्षीय वीरबहादुर पौडेललाई लागुऔषध सहित पक्राउ गरेको छ ।

उनीहरूलाई इलाका प्रहरी कार्यालय दमक टोलीले ब्राउनसुगर ५०० मिलिग्राम, ट्रामाडोल ९० क्याप्सुल, स्पासपेन ७० चक्की सहित नियन्त्रणमा लिएको हो ।