धरान : एम्बुलेन्स चालक उदयपुर पञ्चायती-४ घर भई मोरङको बुढीगङ्गा-२ का २४ वर्षीय आशिष राईको शनिवार राती दुर्घटनामा मृत्यु भएको छ ।

कोशी प्रदेश प्रहरी कार्यालयले जनाए अनुसार मोरङको बुढीगङ्गा-३ कोशी लोकमार्गमा पौने ११ बजे राती मनमाया स्मृति प्रतिष्ठानको को १ च ४७७४ नम्बरको एम्बुलेन्स पल्टिदा राई गम्भीर घाइते भएका थिए ।

चालक राईलाई उपचारको लागि विराट टिचिङ अस्पताल विराटनगरमा पुर्‍याएपछि उपचारको क्रममा मृत्यु भएको हो । दक्षिणबाट उत्तर आउँदै गरेको एम्बुलेन्स अनियन्त्रित भई सडकको डिभाइडरमा ठोक्किएर पल्टिएको थियो ।