_1735354691.gif)
धरान : त्रिभुवन विश्वविद्यालयका आङ्गिक र सम्बन्धन प्राप्त क्याम्पसहरूमा मङ्गलवार स्ववियु निर्वाचनको मतदान जारी छ ।
धरानका ३ क्याम्पस महेन्द्र क्याम्पस, केन्द्रीय प्रविधि क्याम्पस र पूर्वाञ्चल इन्जिनियरिङ क्याम्पसमा मतदान शान्तिपूर्वक चलिरहेको छ ।
महेन्द्र क्याम्पस निर्वाचन अधिकृत लक्ष्मीकृष्ण श्रेष्ठले भने ‘हाल १२ बजेर ४५ मिनेट जाँदा सम्म ११ सय ५ मत झरको छ ।’ क्याम्पसमा कुल मतदाता सङ्ख्या ४ हजार २ जना छन् । निर्वाचन स्थलमा ६ वटा मतदान केन्द्र छ ।
बिहान ०८:४० बजे देखि सुरु भएको मतदान ५ बजे सम्म चल्ने मतदानमा ८० प्रतिशत सम्म मतदान हुनसक्ने उनले बताए ।
केन्द्रीय प्रविधि क्याम्पस हात्तीसारका निर्वाचन अधिकृत राम शोभित यादवका अनुसार १२ बजेर ४५ मिनेट जाँदा सम्म ५ सय ३ मत झरको छ । क्याम्पसमा कुल मतदाता सङ्ख्या ९६२ छन् । क्याम्पसमा ९० प्रतिशत मत झर्ने सम्भावना रहेको उनको भनाई छ ।
पूर्वाञ्चल इन्जिनियरिङ क्याम्पसका निर्वाचन अधिकृत विनयलाल श्रेष्ठले अहिले सम्म ७५० मत खसेको बताए । उनका अनुसार पनि ९० प्रतिशत मत खस्ने सम्भावना रहेको छ । क्याम्पसमा कुल मतदाता सङ्ख्या २ हजार ३६२ रहेको छ ।
तस्बिर : केन्द्रीय प्रविधि क्याम्पसको मतदान अघि विद्यार्थी परिचयपत्र स्क्यान गर्दै । मतदान केन्द्रमा विद्यार्थी पालो पर्खदै ।
_1664681437.jpg)
