वराहक्षेत्र : सुनसरीको वराहक्षेत्र नगरपालिका-२, चतरामा एक दिने कर शिक्षा तथा अभिमुखीकरण कार्यक्रम आयोजना गरिएको छ ।

आन्तरिक राजस्व कार्यालय धरान, सुनसरीको समन्वयमा चतरा सामुदायिक बहुउद्देश्यीय सहकारी संस्थाले उक्त एक दिने कर शिक्षा तथा अभिमुखीकरण कार्यक्रम आयोजना गरेको हो ।

कार्यक्रममा वडा नं १ र २ मा रहेका सङ्घ, संस्थाका प्रतिनिधिहरू, करदाताहरू, जनप्रतिनिधिहरू, कृषक लगायत गरी ६५ जनाको सहभागिता रहेको चतरा सामुदायिक बहुउद्देश्यीय सहकारी संस्थाका व्यवस्थापक बाबुराम खत्रीले बताए ।

व्यावसायिक शेयर सदस्य, सङ्घ, संस्था तथा कृषकहरूलाई कर, राजस्व सम्बन्धी जानकारी, परामर्श, ज्ञान दिने उद्देश्यले आन्तरिक राजस्व कार्यालय धरान, सुनसरीको समन्वयमा कर शिक्षा तथा अभिमुखीकरण कार्यक्रम चतरा सामुदायिक बहुउद्देश्यीय सहकारी संस्थाका व्यवस्थापक बाबुराम खत्रीले बताए ।

उक्त कार्यक्रम बिहीबार चक्रघट्टीमा र शुक्रवार कालाबञ्जरमा आयोजना गरिने छ । कार्यक्रममा कर दाता सम्बन्धी परामर्श र सहजीकरण आन्तरिक राजस्व कार्यालय धरान, सुनसरीका प्रमुख कर अधिकृत बुद्बी प्रसाद आचार्यले गरेका थिए ।