धरान : इलाका प्रहरी कार्यालय धरानले सोमवार धरानका २४ वर्षीय अफ्रोज सिद्धिकीलाई लागुऔषध सहित पक्राउ गरेको छ ।

कोशी प्रदेश प्रहरी कार्यालय विराटनगरले जनाए अनुसार सिद्धिकीलाई लागुऔषध ट्रामाडोल १२० क्याप्सुल र १२० ट्याब्लेट सहित नियन्त्रणमा लिएको हो ।

यसैगरी सोमवारे इलामको माई नपा-५ का ३३ वर्षीय भुपेन्द्र लावती र बिर्तामोड-५ का २३ वर्षीय राजिब चौधरीलाई भद्रपुर-५ मा लागुऔषध सहित प्रहरीले पक्राउ गरेको छ ।

उनीहरूलाई मेची बिट प्रहरी र लागुऔषध नियन्त्रण ब्युरो काँकरभिट्टाको प्रहरी टोलीले मे ६ प ९९७७ नम्बरको मोटरसाईकलमा आइरहेको बेला चेकजाँच गर्दा पक्राउ गरेको हो ।

उनीहरूको साथबाट ब्राउनसुगर ९ ग्राम १ मिलिग्राम बरामद भएको छ ।

यसैगरी बेलबारी-११ का २९ वर्षीय आशिष राई र २९ वर्षीय आशिष तामाङलाई विराटनगर-१५ बाट ब्राउनसुगर सहित प्रहरीले पक्राउ गरेको छ ।

को २९ प ६४२७ नम्बरको मोटरसाईकलमा आइरहेका उनीहरूलाई इलाका प्रहरी कार्यालय रानी र लागुऔषध नियन्त्रण ब्युरो विराटनगरको प्रहरी टोलीले चेकजाँच गर्दा ६ ग्राम १२ मिलिग्राम ब्राउनसुगर बरामद भएको प्रहरीले जनाएको छ ।