दमक : अमेरिकाबाट भुटान डिपोर्ट गरिएका तीन जना पूर्व भुटानी शरणार्थीलाई नेपाल प्रहरीले झापाको बेलडाँगी शरणार्थी शिविरमा पुगेपछि नियन्त्रणमा लिएको छ।
डिपोर्ट भएका १० जनालाई भुटानले पारो विमानस्थलमा स्वागत गरी जयगाउँ हुँदै भारतको पानीट्यांकीमा छाडेको थियो। त्यहाँबाट तीन जना अनधिकृत रूपमा नेपाल छिरेका थिए ।
भुटानले उनीहरूलाई नागरिकताको आधारमा स्वीकृति नदिई देश छाड्न निर्देशन दिएपछि उनीहरू नेपाल आएका हुन्।नेपाल प्रहरीले उनीहरूलाई इलाका प्रहरी कार्यालय दमकमा राखी सोधपुछ गरिरहेको छ।
झापाका प्रमुख जिल्ला अधिकारीले सीमावर्ती क्षेत्रमा निगरानी बढाइएको बताएका छन्।